[b]اليوم أخثرت ليكم قصه واقعيه صارت في شارعنا إلي قرروا بيبنو مسجد للمنطقة وعينوا لجنه أشراف منهم الحاج حمد وبدو في البني ومشوا مرحله كويسه لكن وقف البني لنقص الأموال وفي يوم الحاج حمد مقعمز قدام المسجد عند الضحى وقفت سيارة قدام المسجد ونزل منها واحد حالته مبحبحه وسلم على الحاج حمد وسأله خيركم وقفتم على تكملة المسجد قالها والله محتاج شويه فلوس فوله الراجل المبحبح إلى السيارة وجاب بورزه فيها فليسات ومدهم للحاج حمد وقالا كان احتجتم مازال هدا رقم هاتفي كلمني وما يصير ألا خير ومشي الراجل على حاله وهو مقعمز الحاج جاه الشيطان الله يخزيه ويبعد علينا يبي يدهبله شيرته يحاج حمد هده نعمه بعت هالك ربي والمبلغ هدا بره كمل بيه حوشك ودير بالباقي بزنس وبعدين تربح وتردهولهم وفي لحظه حرك راسه يمين وشمال مرتين وله تلاته وبدا يعيط وينادي بصوت عالي ياناس تعالولي تعالولي والتمو الناس على الحاج حمد وحكاهم القصة وقالهم أشهدوه أن هدا المبلغ للمسجد وطلب من واحد من الحاضرين يعد المبلغ وهكي الحاج حمد حفظ الامانه وراعه ربه في السر والعلانية وقهر الشيطان وانتم شنو رأيكم في القصة وأنا كتبتها وحكيته بالدارج ونبي واحد فالح يكتبها بالفصحه وند يرو تصويت على أحسن واحد يكتبها بالفصحه وليه مني جائزة قيمة .[/b]
السبت يونيو 13, 2009 2:12 pm
