اول اكله

اسلخير افلاون

على قول نوال غشام راجيت والمرجه كمل سوقمغ سوقمغ وليش مامو يودل

ايتو ادادلغ نتش

يشرفنى بان اكون اول من يفتتح قسم المطبخ

نبدا على بركة الله باكله شعبيه ولكن هلبه مايعرفوهاش

اسمها =======الفتات=======

المقادير

1\ نصف كيلو دقيق فارينه

2\ نصف كاشيك كبير ملح

3\نصف كوب زيت

4\ كاشيك كبير خميرة جبزه

الطريقه=

اعجنى المقادير بميه دافيه حتى تولى زى عجينة = السفنج=

وخليها على جهه وتعالى انوتو =التنور= عارفك تقولى شن تقول هده تحلم-

وين بنلقاه التنور اهو نقولك وين تلقيه تنور---2009---

جيبى كسكاس قديم واقلبيه على الغاز والا سطوفة الشاهى

وتوه نرجعوا للعجينه خودى شويه وفطحيها بشويت زيت وحطيها على

تنور 2009- الكسكاس بعد شويه قلبيها لين طيب ردى بالك لازم النار تكون خفيفه

بنفس الطريقه باقى العجينه لين تكمل وبعدين فتتيها طروف طروف -هدا

علاش سموها == فتات==حطيها فى -معجه- وخليها وتعالى انديروا

الطبيخه وهده موش واعره هى نفس طبيخة البصله اللى نسقوا بيها فى

الكسكسى و الرز ===نسقوا بيها الفتات وحطى عليها شوية حرارات

وتاكلوا بالهنى يا نسون جربوها وردوا عليا

==واللى يطلقها راجلها مادخليش فيها == انشا الله لا==مزحه==ههههه

وتوا بالسلامه ---

قسما بالله الا متعة انتي يا خالو
الله يحفضك ،، لكن انا قلت ممكن حتى شوة من العجينة ديرها سفنز والباقي فتات على فكرة الجبالية يسمو فيه حاجة ثانية اللي يعرفها ياخذ بلاد ،، وانا راني في بلاد عيدة شوية ،، يدير حساب التذاكر والباقي عليا .
عمو الصادق

اسلخير افلاون

{{لوكا توني}}

اقتباس :

يشرفنى بان اكون اول من يفتتح قسم المطبخ

إنه شرفا كبير للمنتدي بإفتتاح قسم الطبخ وموفقه في إختيار

ونحن في إنتظار إبداعاتك في هذا القسم وكثرينا من هالأكلات{وغريش الروح}}


وشكرا يا عمو الصادق توا يجو أعضاء المنتدي كلهم وتحصل فيهم


يلا سلامات توه وبالتوفيق للجميع

استادا الصادق

هيا وتى الاقامه وابعت الدعوه وقولنا من اما سفاره ناخدوا التاشيره

التدكره اخدينا ها والحل هو =الشرشى= الشرشى=الشرشى= بدون اى شك

وتوه ماشى بنجهز الشنطه


والى اللقاء عندك